Ləzzətli ispanaqlı börəyin asan HAZIRLANMA QAYDASI

Göyərti ilə hazırlanan qutabları, börəkləri çox sevirik. Ailem.az bu dəfə sizə həm sağlıqlı, həm də ləzzətli ispanaqlı börəyin reseptini təqdim edir.

 

Ərzaqlar:

 

1 kilo hazır yuxa

6 dəstə ispanaq

3 ədəd soğan

100 qram pendir

4 ədəd yumurta

1 stəkan yarım qatıq

2 stəkan duru yağ

Su

Duz

İstiot

 

Hazırlanması: 

 

Geniş bir tavaya yağ və xırda doğranmış soğanı töküb qovurun. Yaxşı yuyulub qurudulmuş ispanaqları da ora töküb, suyunu çəkənə qədər qovurun və ocağın altını söndürün. Pendiri ovalayaraq ispanağa qarışdırın. İstəsəniz, bir az duz və istiot vurun.

 

Bir kasada yumurtaları çırpıb içinə qatıq və yağ əlavə edin. Bir az da su əlavə edərək yaxşıca qarışdırın.

 

Geniş bir soba qabını yağlayın. Yuxanızı stola sərib, hazırladığınız sulu qarışımı hər yerinə sürtün. Uzunlamasına ispanaq döşəyib yuxanı rulet şəklində bükün. Qabın ortasında halqa şəklində dolayın. Hər ruleti eyni şəkildə onun ətrafına dolayın.

Qalan sulu qarışımı ən son üzərinə tökərək, börəyi əvvəlcədən 220 dərəcədə qızdırdığınız sobaya qoyun.

 

Nuş olsun!

 

 

 

 

LENT

04 May 2018
03 May 2018
02 May 2018
01 May 2018
30 Aprel 2018
28 Aprel 2018