Cinsi zəifliyi aradan qaldıran TƏBİİ VASİTƏ

Statistik göstəricilərə görə, dünyanın 21 yaşından yuxarı olan hər 10 kişisindən biri potensiya zəifliyindən əziyyət çəkir.

Bu sahədə proqnozlar isə vəd edir ki, göstərilən rəqəm yaxın 10 ildə 5-ə düşəcək. Göstəricilər cinsi zəiflik təhlükəsindən qorunmaq üçün ciddi tədbirlərin həyata keçirmək zəruriliyinə əsas verir.

 

Potensiya zəifliyinə qarşı necə mübarizə aparmaq olar?

 

Bununla bağlı müxtəlif üsullar, müalicələr, kimyəvi və təbii vasitələr mövcuddur. Xalq təbabətinin təqdim etdiyi bitki isə kişiləri istənilən yaşda cinsi zəiflik təhlükəsindən qorumağa qadirdir.

Hələ çox qədim zamanlardan yunanlar kərəviz bitkisindən təbii afrodiziak kimi geniş istifadə ediblər. Müasir dövrdə isə mütəxəssislər kərəvizin kişi orqanizminə təsirini “Viaqra”nın təsirindən güclü sayırlar.

Kərəvizdən istifadə edildikdə kişi orqanizmində cinsi hormon sayılan androsteron daha çox istehsal olunur ki, bu da kişilərin cinsi fəallığına istənilən kimyəvi dərman preparatlarından qat-qat güclü təsir göstərir. Müntəzəm olaraq kərəviz bitkisinin şirəsini içməklə kişilər intim həyatlarındakı problemləri təbii yolla aradan qaldıra bilərlər.

 

Kərəviz bitkisi potensiyaya müsbət təsir göstərməklə yanaşı həm də prostat vəzi, böyrək, sidik kisəsi və sidik yolları xəstəliklərinə qarşı ən yaxşı profilaktik vasitələrdən biridir. Həmçinin bu bitki kişi spermasının keyfiyyətinə də müsbət təsir göstərir.

 

Kərəviz bitkisinin faydalı xüsusiyyətləri təkcə cinsi fəallığa təsiri ilə bitmir. O, qan təzyiqini normada saxlayır, sidikqovucu xassəyə malikdir, ürək və damar xəstəlikləri üçün faydalıdır, maddələr mübadiləsini tənzimləyir, qaraciyərin fəaliyyətini yaxşılaşdırır, böyrək daşlarının tökülməsinə şərait yaradır, zülalların orqanizm tərəfindən mənimsənilməsini asanlaşdırır, qanı təmizləyir.

 

Ümumiyyətlə, kərəviz bitkisinin insan orqanizminə müsbət təsirini, sağlamlıq üçün faydalarını saymaqla qurtarmaq olmaz. Sadəcə kiçik bir məbləğ xərcləyib onu süfrələrin bəzəyinə çevirmək lazımdır.

 

Kərəvizdən istənilən formada, şirəsini çəkməklə, salatlara əlavə etməklə istifadə etmək olar.

Kərəvizdən və ümumiyyətlə, istənilən xalq təbabəti vasitələrindən müalicə məqsədi ilə istifadə edərkən həkimlə məsləhətləşmək vacibdir. (modern.az)

 

LENT

26 İyun 2017
24 İyun 2017
23 İyun 2017
22 İyun 2017
21 İyun 2017
20 İyun 2017
19 İyun 2017